Përfaqësues të Zyrës së Koordinatorit Nacional për Kulturë, Rini dhe Sport në Qeverinë e Kosovës u takuan sot me trajnerin e xhudos z.Driton Kuka. Ata prezantuan Programin Nacional për Rininë dhe shprehën gatishmërinë për inkuadrimin e sportit të xhudos në këtë program.

Gjatë këtij takimi u bisedua gjerësisht për udhëzuesit dhe rregullat e xhudos, dokumente këto që do të inkuadrohen në Programin Nacional për Rininë. Me këtë rast, përfaqësuesit e Zyrës së Koordinatorit shprehën falënderime për z.Kuka dhe ekipin e tij për kontributin e tyre në draftimin e këtyre dokumenteve.