25.Apr.2019
Koordinatori Nacional për Kulturë, Rini dhe Sport, Rexhep Hoti sot është takuar me kryetarin e bashkisë së Durrësit, Vangjush Dako, me të cilin kanë biseduar për Programin Nacional dhe Ndërshtetëror për Rininë.
Koordinatori Hoti, gjatë këtij takimi shpalosi Programin Nacional për Rininë duke potencuar që nxënësit përmes garave do të përfitojnë si pjesë të shpërblimeve edhe vizitat, ekspeditat dhe ekskursionet në vendet historike.
“Duke e ditur se Durrësi si qytet përfaqëson vlerat historike dhe turistike për mijëvjeçarin e qytetërimit tonë, nxënësit tanë do ta vizitojnë dhe do të njihen drejtpërdrejt me vlerat, kulturën që përfaqëson ky qytet. Nëpërmjet këtyre vizitave do të zgjerojmë bashkëpunimin ndërmjet brezit të ri, pasi që sigurisht ata, do të njihen dhe do të shoqërohen gjatë këtyre vizitave nga përfaqësuesit e institucioneve publike e kulturore të Durrësit”, tha Koordinatori Hoti
Në anën tjetër, kryetari i Bashkisë Dako shprehu interesimin dhe gatishmërinë për programin, duke thënë se kjo pos që do të jetë në të mirën e nxënësve, do të jetë edhe urë lidhëse mes Kosovës dhe Shqipërisë.
“Unë zotohem se gjatë çdo vizite të bërë nga nxënësit jo vetëm në Durrës, por në të gjitha vendet si ato historike, kulturore, arkeologjike do të jem shoqërues i tyre. Ne do të angazhohemi në mënyrë të fuqishme që t’i mbështesim nxënësit nga Kosova që jo vetëm ta shijojnë këtë qytet të lashtë historik, por edhe të kenë mundësinë t’i zgjerojnë njohuritë e tyre mbi të kaluarën dhe mbi antikitetin e Durrësit”, tha kryetari i Bashkisë, Vangjush Dako
Në kuadër të bashkëpunimit, Koordinatori Hoti dhe Kryetari i Bashkisë Dako, u dakorduan që në një të ardhme të afërt të nënshkruajnë marrëveshje konkrete, që do të rrisë bashkëpunimin mes dyja vendeve.
Shpërndaje postin
Jul 18, 2019
Shpallen nxënësit fitues të Garës Republikane në Dituri
1372407476Jul 11, 2019
Publikohet lista përfundimtare e nxënësve pjesëmarrës në Garën Nacionale të Diturisë në nivelin republikan
1372407476