554 - Lajmi_single | Template Website
foo

LAJMET

Hoti dhe Avdiu u dhurojnë fëmijëve tabela dhe udhëzues për shah

...

23.May.2019

Koordinatori Nacional për Kulturë, Rini dhe Sport në Qeverinë e Republikës së Kosovës Rexhep Hoti, së bashku me Kryetarin e Federatës së Shahut të Kosovës Nystret Avdiun vizituan institucionin edukativ për fëmijë LET Center.

Gjatë kësaj vizite, përveç udhëheqësve të qendrës ata i takuan edhe fëmijët të cilëve ju dhuruan tabela dhe libra për shah. Koordiantori Hoti tha se vizita të tilla do të ketë edhe nëpër institucione tjera edukative.

“Kjo është vizita e parë e këtij lloji por që nuk do të jetë e vetmja. Në të ardhmen do t’i vizitojmë edhe institucionet tjera parashkollore në të cilat do t’i promovojmë shahun si një sport shumë të rëndësishëm. Me Programin Nacional për Rininë, nga shtatori i këtij viti, shahu do të jetë pjesë e shkollave të Kosovës dhe të gjithë nxënësit do të kenë mundësinë të garojnë në këtë sport, si në mënyrë individuale ashtu edhe në atë ekipore”, tha Koordinatori Hoti.

Ndërkaq, Kryetari i Federatës së Shahut të Kosovës, Nysret Avdiu foli për rezultatet e bashkëpunimit me Koordinatorin Hoti.

“Pas nënshkrimit të marrëveshjes tripalëshe me KNKRS dhe Unionin Evropian të Shahut, ata na kanë ofruar mundësinë e trajnimit të mësimdhënësve për shah. Mësimdhënësit e trajnuar do të marrin licencë nga Unioni Evropian i Shahut për përgatitje profesionale dhe ky është një hap shumë i rëndësishëm për Kosovën”, tha Avdiu.

Hoti e Avdiu premtuan se do të vazhdojnë vizitat nëpër shkolla të ndryshme të vendit.


Shpërndaje postin

Jul 18, 2019

Shpallen nxënësit fitues të Garës Republikane në Dituri

Shpallen nxënësit fitues të Garës Republikane në Dituri

1372407476

Jul 11, 2019

Publikohet lista përfundimtare e nxënësve pjesëmarrës në Garën Nacionale të Diturisë në nivelin republikan

Publikohet lista përfundimtare e nxënësve pjesëmarrës në Garën Nacionale të Diturisë në nivelin republikan

1372407476