“Ne duhet të krijojmë kushte më të mira për nxënësit. Programi Nacional për Rininë në tri fushat e tij: kreativitet kulturor dhe mendim kritik, dituri dhe sport u jep mundësi të gjithë nxënësve të Republikës së Kosovës që të shfaqin aftësitë e tyre. Me sistemin tonë do ta kemi më të lehtë të identifikojmë talentët në secilën fushë”, tha Koordinatori Hoti.

E Drejtori Thaçi tha se fillimi i realizimit të një programi të tillë është hap i mirë dhe bëri të ditur se ai e mbështet këtë program. “Është hap shumë i mirë hapi që keni ndërmarr. Gjërat e mira duhet të hyjnë në sistem dhe të funksionojnë”, tha Thaçi.

Ndërsa, përfaqësuesit e Organizatës Debate Centre u fokusuan më shumë tek gara e debatit në kuadër të kreativitetit kulturor dhe mendim kritik. Sipas tyre gara që po organizohet në debat është e rëndësishme për të rinjtë e Kosovës. Ata u pajtuan që të bashkëpunojnë në organizimin e garave sidomos në nivelin universitar.

Programi Nacional për Rininë ka filluar të realizohet që nga 19 shkurti i këtij viti me garën në kreativitet kulturor dhe mendim kritik, për të vazhduar pastaj me garën e diturisë dhe që nga shtatori i këtij viti me garën në sport.