453 - Lajmi_single | Template Website
foo

LAJMET

Hoti: Nuk ka investim më të rëndësishëm sesa ai në rini

...

13.Feb.2019

Rexhep Hoti, Koordinator Nacional për Kulturë, Rini dhe Sport në Qeverinë e Republikës së Kosovës, takoi sot drejtorët e shkollave të komunës së Podujevës.

Koordinatori Hoti prezantoi para të pranishmëve Programin Nacional për Rininë dhe rëndësinë që ka ky program për rininë. Ai tha se nuk ka investim më të rëndësishëm që mund të bëhet në një vend sesa investimi në rini.

“Kam kënaqësinë t’ju njoftoj se Programi Nacional për Rininë do të fillojë së implementuari më 19 shkurt të këtij viti me garën e Kreativitetit Kulturor dhe Mendimit Kritik. Kemi hartuar gjithë dokumentacionin e nevojshëm për garë në formë të udhëzueseve, që janë duke u shpërndarë nëpër shkolla. Pres mbështeje nga Podujeva për mbarëvajtjen e garave”, tha Koordinatori Hoti.

Në këtë takim i pranishëm ishte edhe drejtori i Drejtorisë së Arsimit në Komunën e Podujevës, Agim Blakçori, i cili tha se drejtoria që ai udhëheq do të përkujdeset që implementimi i programit në komunën e Podujevës të shkoj në rregull.

“Ne, konkretisht kryetari i komunës sonë ka nënshkruar një marrëveshje bashkëpunimi me Koordinatorin Hoti për këtë program dhe ne do t’i kryejmë obligimet tona. Do të përkujdesemi që i gjithë realizimi i programit të shkoj si është më së miri”, tha drejtori Blakçori.

Programi Nacional për Rininë përfshin të gjithë nxënësit e nivelit parauniversitar dhe universitar në Republikën e Kosovës në tri fusha: Kreativitet Kulturor dhe Mendim Kritik, Dituri dhe Sport.


Shpërndaje postin

Jul 18, 2019

Shpallen nxënësit fitues të Garës Republikane në Dituri

Shpallen nxënësit fitues të Garës Republikane në Dituri

1372407476

Jul 11, 2019

Publikohet lista përfundimtare e nxënësve pjesëmarrës në Garën Nacionale të Diturisë në nivelin republikan

Publikohet lista përfundimtare e nxënësve pjesëmarrës në Garën Nacionale të Diturisë në nivelin republikan

1372407476