“Programi Nacional për Rininë do të përfshijë rreth 340 mijë nxënës të Republikës së Kosovës. Kemi hartuar gjithë dokumentacionin e nevojshëm për garë në formë të udhëzueseve, që janë duke u shpërndarë nëpër shkolla. Ju njoftoj se që nga 19 shkurti i këtij viti do të fillojë gara në Kreativitet Kulturor dhe Mendim Kritik, andaj pres nga ju përkushtim për implementimin e këtij programi”.

Ndërsa, Drejtori Salihaj theksoi edhe njëherë mbështetjen që Komuna e Prishtinës i ofron Programit Nacional për Rininë duke treguar arsyet për këtë.

“Ne e mbështesim Programin Nacional për Rininë sepse me këtë program nxënësit do të mësojnë si të garohet, do të rritet kreativiteti dhe do të largohet frika e përballjes", tha drejtori Salihaj.

Programi Nacional për Rininë përfshin të gjithë nxënësit e nivelit parauniversitar dhe universitar në Republikën e Kosovës në tri fusha: Kreativitet Kulturor dhe Mendim Kritik, Dituri dhe Sport.