13.Jan.2019
Koordinatori Nacional për Kulturë, Rini dhe Sport në Qeverinë e Kosovës z. Rexhep Hoti, nënshkroi Marrëveshje Bashkëpunimi me Kryetarin e Komunës së Ferizajt z. Agim Aliu për implementimin e Programit Nacional për Rininë për të gjithë nxënësit e kësaj komune.
Qëllimi i këtij bashkëpunimi është asistimi i ndërsjellë për implementimin e Programit Nacional për Rininë si dhe aranzhimin e përbashkët të aktiviteteve që kanë për synim promovimin e diturisë, kreativitetit kulturor dhe mendimit kritik si dhe sportit.
Koordinatori Nacional për Kulturë, Rini dhe Sport z. Rexhep Hoti falendëroi Kryetarin Aliu për gatishmërinë për bashkëpunim.
“Kjo është një epokë e re e bashkëpunimit me komuna, në këtë rast me Komunën e Ferizajit. Ky bashkëpunim është i rëndësishëm sepse Programi Nacional për Rininë është hartuar për secilin nxënës të secilës shkollës, duke filluar nga niveli fillor, i mesëm i ulët dhe niveli i mesëm i lartë”.
Nga ana tjetër, Kryetari i Komunës së Ferizajt z. Agim Aliu e vlerësoi lartë Programin Nacional për Rininë dhe shprehi gatishmërinë për të bashkëpunuar në implementimin e tij.
“Ferizaji është qyteti i rinisë dhe Programi Nacional për Rininë do t’i kontribuojë kësaj rinie. Ky program do të gjejë mbështetje në komunën tonë pasiqë edhe programi im qeverisës është i mbështetur në familje dhe rini”.
Të dy nënshkruesit e kësaj marrëveshjeje u shprehën optimistë për rezultatet konkrete pozitive pas implementimit të Programit Nacional për Rininë.
Koordinatori Hoti ishte i shoqëruar nga zëvendësministri i Arsimit, Shkencës dhe Teknologjisë, z. Azem Guri si dhe Deputeti i Kuvendit të Kosovës z. Elmi Reçica.
19.11.2018
Shpërndaje postin
Jul 18, 2019
Shpallen nxënësit fitues të Garës Republikane në Dituri
1372407476Jul 11, 2019
Publikohet lista përfundimtare e nxënësve pjesëmarrës në Garën Nacionale të Diturisë në nivelin republikan
1372407476