647 - Lajmi_single | Template Website
foo

LAJMET

Koordinatori Hoti përcjell mbarëvajtjen e Garës Nacionale të Diturisë

...

28.Jun.2019

Fituesit e Garës Nacionale të Diturisë në nivelin shkollor sot po vazhdojnë garën në nivelin komunal. Për të parë nga afër mbarëvajtjen e garës, Koordinatori për Kulturë, Rini dhe Sport në Qeverinë e Republikës së Kosovës, Rexhep Hoti, ka vizituar disa shkolla në komunën e Prishtinës dhe Prizrenit.

Fillimisht, Koordinatori Hoti përcolli garën në shkollën “Dardania” në Prishtinë, ku takoi edhe nxënësit pjesëmarrës në garë. Ai tha se ndihet mirë kur sheh sa entuziast janë nxënësit për të shfaqur diturinë e tyre.

“Sot jeni këtu për të treguar aftësitë tuaja në lëndët që ju keni dalë më të mirët. Sot, ju përfaqësoni shkollën dhe gjeneratën tuaj e mbi të gjitha përfaqësoni vetveten tuaj. Arritja juaj në nivelin komunal është një arritje e lartë. Ju uroj shumë suksese”, tha Koordinatori Hoti.

Ndërsa, Drejtoresha Komunale e Arsimit në Prishtinë, Shpresa Shala, e cila e shoqëroi Koordinatorin Hoti gjatë kësaj vizite, i ka përgëzuar nxënësit e komunës së saj për suksesin e arritur dhe u ka uruar suksese edhe në nivelin komunal të garës.

Përveç Prishtinës, Koordinatori Hoti përcjelli Garën Nacionale të Diturisë – niveli komunal edhe në komunën e Prizrenit, ku vizitoi shkollën “Abdyl Frashëri”. Ai u nda i kënaqur me mbarëvajtjen e garës dhe uroi nxënësit e Prizrenit për suksese të mëtutjeshme.

Gara Nacionale e Diturisë është platforma e Programit Nacional për Rininë e cila organizohet në tri nivele. Fillimisht nxënësit e Republikës së Kosovës kanë garuar në nivelin shkollor, fituesit e të cilit janë duke garuar sot për më të mirin e komunës për secilën lëndë, për secilën gjeneratë, ndërsa fituesit e komunës do të garojnë për më të mirin e Republikës.

 

 

 

 

 

 

 


Shpërndaje postin

Jul 18, 2019

Shpallen nxënësit fitues të Garës Republikane në Dituri

Shpallen nxënësit fitues të Garës Republikane në Dituri

1372407476

Jul 11, 2019

Publikohet lista përfundimtare e nxënësve pjesëmarrës në Garën Nacionale të Diturisë në nivelin republikan

Publikohet lista përfundimtare e nxënësve pjesëmarrës në Garën Nacionale të Diturisë në nivelin republikan

1372407476