506 - Lajmi_single | Template Website
foo

LAJMET

Koordinatori Hoti vizitoi Komunën e Tutinit në Sanxhak

...

11.Mar.2019

Kenan Hot, Kryetar i Komunës së Tutinit në Sanxhak të Novi Pazarit, priti në takim zyrtar delegacionin nga Kosova të udhëhequr nga Koordinatori Nacional për Kulturë, Rini dhe Sport në Qeverinë e Republikës së Kosovës, Rexhep Hoti.

Koordinatori Hoti tha se këtë vizitë po e zhvillon me qëllimin e bashkëpunimit për nxënësit dhe studentët e këtyre trevave.

“Bashkëpunimi për të mirën e të rinjve është tejet i rëndësishëm dhe i domosdoshëm. Kur është fjala për nxënësit ne duhet të përafrojmë qëndrimet duke lënë anash dallimet partiake apo etnike. Prandaj, Programi Nacional për Rininë është i përkthyer edhe në gjuhën boshnjake është një program që për nxënësit realizohet në formë gare në fushën e diturisë, sportit dhe kreativitetit kulturor dhe mendimit kritik. Ky program nuk e përjashton askënd, prandaj unë dua që edhe ju të jeni pjesë e tij”, tha Hoti.

I gatshëm për bashkëpunim dhe përkrahje të programit për rininë u shpreh edhe Kryetari i Tutinit. “Është një vizitë shumë e veçantë për komunën tonë. Edhe më i veçantë është ky program që sot na keni sjellë. Ne duhet t’u ofrojmë të rinjve tanë mundësinë që të njihen mes vete në forma të ndryshme, qoftë nëpërmjet sportit apo kreativitetit. Unë jam, i gatshëm që të fillojmë etapën e bashkëpunimit me Kosovën”, tha Hot.

Në shenjë simbolike, Hoti i dhuroi kryetarit të Tutinit figurën e Hyjneshës në Fron.

Pjesë e delegacionit nga Kosova ishte edhe Kryetari i Komunës së Bujanocit, Shaip Kamberi, profesori Nexhmedin Spahiu, udhëheqësi i Shoqatës “Kosova për Sanxhakun”, Ismet Azizi dhe Xhelal Shaqiri, zyrtar ndërlidhës i Zyrës së Kosovës në Beograd.


Shpërndaje postin

Jul 18, 2019

Shpallen nxënësit fitues të Garës Republikane në Dituri

Shpallen nxënësit fitues të Garës Republikane në Dituri

1372407476

Jul 11, 2019

Publikohet lista përfundimtare e nxënësve pjesëmarrës në Garën Nacionale të Diturisë në nivelin republikan

Publikohet lista përfundimtare e nxënësve pjesëmarrës në Garën Nacionale të Diturisë në nivelin republikan

1372407476