499 - Lajmi_single | Template Website
foo

LAJMET

Koordinatori Hoti nënshkruan memorandum me Universitetin e Ferizajt

...

05.Mar.2019

Koordinatori Nacional për Kulturë, Rini dhe Sport në Qeverinë e Republikës së Kosovës, Rexhep Hoti ka nënshkruar marrëveshje bashkëpunimi me Rektorin e Universitetit të Shkencave të Aplikuara të Ferizajt, Agron Bajraktari. Marrëveshja u nënshkrua me qëllim të përfshirjes së studentëve në Programin Nacional për Rininë.

Koordinatori Hoti shpalosi Programin Nacional për Rininë dhe tha se pret angazhimin e studentëve jo vetëm në garën në mes vete, por edhe në monitorimin e procesit të garës nëpër nivelet tjera.

“Programi Nacional për Rininë është i hartuar ekskluzivisht për të gjithë nxënësit dhe studentët. Ata do të jenë pjesë e programit në forma të ndryshme qoftë duke qenë vet pjesë e garës, qoftë duke monitoruar procesin e saj nëpër nivele të ndryshme. Unë besoj që studentët janë pjesa më e mirë e shoqërisë sonë, andaj sot jam i lumtur që po bashkëpunojmë për të mirën e tyre”, tha Hoti.

Gjatë nënshkrimit të marrëveshjes, Koordiantori Hoti ishte i shoqëruar nga zëvendësministrja për Kulturë, Rini dhe Sport, Leonora Morina-Bunjaku, e cila theksoi mbëshetjeten e ministrisë që jo përfaqëson për Programin Nacional për Rininë.

Ndërsa, Rektori Bajraktaraj tha se e mirëpret Programin Nacional për Rininë dhe se do ta mbështesë realizimin e tij. “Është një program shumë i nevojshëm sepse gara dhe konkurrenca në mesin e të rinjve është e domosdoshme. Ne do t’i inkurajojmë studentët tanë të jenë pjesë e garës dhe të ndihmojnë në realizimin e programit në forma të ndryshme. Jemi të gatshëm çdoherë për bashkëpunim me ju sepse e mbështesim plotësisht programin”, tha Bajraktaraj.

Koordinatori Hoti vizitoi edhe hapësirat e universitetit ku zë vend kreativiteti i studentëve dhe pjesa praktike e asaj që mësohet në ligjërata.

Marrëveshja e bashkëpunimit përcakton angazhimet e ndërsjella të palëve nënshkruese për implementimin e Programit Nacional për Rininë dhe për organizimet e përbashkëta të aktiviteteve që kanë të bëjnë me përfshirjen e studentëve në garat e kreativitetit kulturor dhe mendimit kritik si dhe të sportit.


Shpërndaje postin

Jul 18, 2019

Shpallen nxënësit fitues të Garës Republikane në Dituri

Shpallen nxënësit fitues të Garës Republikane në Dituri

1372407476

Jul 11, 2019

Publikohet lista përfundimtare e nxënësve pjesëmarrës në Garën Nacionale të Diturisë në nivelin republikan

Publikohet lista përfundimtare e nxënësve pjesëmarrës në Garën Nacionale të Diturisë në nivelin republikan

1372407476