22.Feb.2019
Në kuadër të vizitave në shkolla, Zëvendësministri i Arsimit, Shkencës dhe Teknologjisë Azem Guri, së bashku me përfaqësuesin e Zyrës së Koordinatorit Nacional për Kulturë Rini dhe Sport Gëzim Zeqiri, vizituan mësimdhënësit dhe nxënësit e shkollave të Deçanit dhe të Junikut.
Në Deçan u takuam me drejtorin e Shkollës Fillore dhe të Mesme të Ulët “Isa Boletini”, Shaban Mehmetaj dhe mësimdhënësit. Po ashtu, u takuam edhe me drejtorin e Gjimnazi “Vëllezërit Frashëri” Hamit Qorraj, si dhe me drejtorin e Shkollës Profesionale “Tafil Kasumaj” Zenel Kasumaj dhe me mësimdhënësit e këtyre shkollave.
Ndërsa në Junik, biseduam me drejtoreshën e Shkollës Fillore dhe të Mesme të Ulët “Edmond Hoxha”, Bekie Jasiqi, si dhe me Drejtorin e Gjimnazit “Kuvendi i Junikut” Arsim Kuçi. Po ashtu, të pranishëm ishin edhe mësimdhënësit e këtyre shkollave të cilët parashtruan pyetjet dhe sugjerimet lidhur me Programin Nacional për Rininë.
Zëvendësministri Guri tha se me përgatitjet që i kanë bërë shkollat për të implementuar Programin Nacional për Rininë, është shumë optimist për rezultatet që do të arrihen dhe se pret me padurim të shoh garat duke u zhvilluar.
“Garat në shkolla do të jenë çelësi drejt një arsimi më cilësor”, tha Guri.
Ndërkaq, drejtorët dhe mësimdhënësit u shprehën të gatshëm për të marrë pjesë aktive në garat shkollore, komunale dhe republikane, si dhe shprehën falënderim për Qeverinë e Kosovës që po ua mundëson një gjë të tillë.
Shpërndaje postin
Jul 18, 2019
Shpallen nxënësit fitues të Garës Republikane në Dituri
1372407476Jul 11, 2019
Publikohet lista përfundimtare e nxënësve pjesëmarrës në Garën Nacionale të Diturisë në nivelin republikan
1372407476