“Përmes këtij programi nxënësit do të kenë hapësirën e munguar për të praktikuar atë që e mësojnë në shkollë. Gara do ta gjallërojë shkollën, shtëpinë, qytetin dhe gjithë Kosovën sepse nxënësit do të shpërblehen dhe puna e tyre do të publikohet. Me këtë program për herë të parë qeveria po kthehet tek nxënësit dhe po investon për ta”, tha Koordinatori Hoti.

E kryetari Kuçi e mirëpriti programin duke thënë se një program i tillë i ka munguar Kosovës. “Ky program i ka munguar Kosovës. Unë uroj që të jetë i përhershëm sepse implementimi i tij do të ketë impakt të jashtëzakonshëm. Unë besoj se përmes këtij programi do ta ketë rritje të cilësisë në arsim sepse gara e stimulon mësimi. Ju garantoj mbështetjen e komunës sime për këtë program sepse ky program është dashur të bëhej moti”, theksoi kryetari Kuçi.

Hoti u shoqërua nga zëvendësministrja e Kulturës, Rinisë dhe Sportit znj. Leonora Morina-Bunjaku si dhe zëvendësministri i Arsimit, Shkencës dhe Teknologjisë z. Azem Guri. Ata dhanë mbështetjen e ministrive që përfaqësojnë për Koordinatorin Hoti duke thënë se presin që ky program të ndikojë pozitivisht në ngritjen e cilësisë në arsim.

Marrëveshja e bashkëpunimit me Komunën e Junikut të përcakton angazhimet e ndërsjella të palëve nënshkruese për implementimin e Programit Nacional për Rininë dhe për organizimet e përbashkëta të aktiviteteve që kanë të bëjnë me diturinë, kreativitetin kulturor dhe mendimin kritik, si dhe sportin.

10.12.2018